AC मर्मत टिप्स
Date: 2020-09-22
एअर कण्डिसन धेरै समय टिकाउनका लागि यसलाई नियमित रुपमा व्यवस्थित राख्ने र समय समयमा मर्मत गर्नु महवपूर्ण कुरा हो । साथै, तपाईलाई यसले धेरै समयसम्म काम दिइरहोस् र सुरक्षित एवं सुविधायुक्त बनोस्, उत्पादनशील बनोस् भन्ने चाहनुहुन्छ भने यसको सहि सञ्चालन गर्न जान्नुपर्दछ र समय समयमा यसलाई हेरविचार गरिरहनु पर्दछ ।
एअर फिल्टरलाई सफा गर्ने वा फेर्नेः
एअर फिल्टरलाई सफा गर्ने वा फेर्ने सबैभन्दा महत्वपूर्ण काम हो जसले एअर कण्डिसनरको आयु बढाउन सहयोग गर्छ । अझ अहिले भइरहेको माहामारीमा महिनाको कम्तीमा एकपटक अवश्य पनि फिल्टरलाई सफा गर्नुहोस् । तपाई आफैले पनि तातो पानीसँग हलुका किटाणुनाशक प्रयोग गरि सफा गर्न सक्नुहुन्छ । पूरा प्रक्रियाको लागि भिडियो लिंक हेर्नुहोस्
https://www.youtube.com/watch?time_continue=80&v=Ivi-1Uu62K8&feature=emb_logo
एअर कण्डिसनरको Coil सफा गर्नेः
समय वित्दै जाँदा एअर कण्डिसनरको evaporator र condensor coil ले फोहरहरु जम्मा गर्दै जान्छ जसले हावाको प्रभाहलाई घटाउँछ र साथै coil लाई निस्कृय गरिदिन्छ । फलस्वरुप, यसले AC को क्षमता र तातो घटाउने क्षमतालाई पनि घटाउँछ । यदि बाहिरको वातावरण फोहरले भरिएको छ भने outdoor राखेको ठाउँ वरिपरि outdoor condenser को coil ले अझै बढी धुलो तान्न सक्छ र यसलाई अरु बढी फोहर बनाउँछ । यसकारण यस्तो समस्या हुनबाट बचाउन AC को coil लाई सफा गर्ने वा वर्षको एकपटक फेर्ने गर्नुपर्दछ ।
बाहिरपट्टि जम्मा भएको फोहरको जालोलाई हटाउनेः
लामो समयपछि तपाईको AC को बाहिरी भागमा धुलो र फोहर जम्मा हुँदै जाँदा यसलाई छोपिदिन्छ जसले AC को क्षमतालाई घटाइदिन्छ साथै हावाको प्रवाहलाई पनि कम गरिदिन्छ । त्यसकारण AC मर्मत गर्दा कम्तिमा वर्षको २ पटक outdoor लाई पनि सफा गर्नुपर्दछ । यसरी सफा गर्दा coil, motors र fan blade ले अझ राम्रोसँग काम गर्दछ ।
पुरानो सामानहरुलाई समयमै फेर्नुहोस्
फेर्नुपर्ने सामानले गर्दा सम्पूर्ण AC लाई नै असर गर्नुभन्दा पहिले नै विग्रेका सामानहरुलाई फेरेर AC को आयु लम्ब्याउनु नै बुद्धिमानी हुन्छ । मर्मत गर्ने समयमा indoor र outdoor मा प्रयोग भएका सम्पूर्ण इलेक्ट्रीकल्स वा मेकानिकल पूर्जाहरुलाई ठीक भए या नभएको निश्चित गर्नुपर्दछ ।
हामी, एअर एक्स्पर्टस् पनि “उपचार गर्नुभन्दा रोग लाग्न नै नदिनु राम्रो” भन्ने मा विश्वास गर्दछौं । त्यसकारण AC राम्रोसँग मर्मत सम्भार भयो भने सामान फेर्नुभन्दा धेरै सस्तो र प्रभावकारी हुन्छ । त्यसैले AC लामो समयसम्म टिकाउनको लागि यी विधिहरुलाई सबैले ध्यान दिनु जरुरी छ ।